Молитвы дня, 06-2-2016, каноны и акафисты дня,

Прп. Ксении (ок. 457). Блж. Ксении Петербургской (XIX).

Мчч. Вавилы Сицилийского и учеников его Тимофея и Агапия (III). Прп. Македония, сирийского пустынника (ок. 420). Перенесение мощей прмч. Анастасия Персянина (VII). Свт. Герасима Великопермского, Устьвымского (ок. 1449). Мч. Иоанна Казанского (1529).

Мч. Николая (1918).
Молитвы
Тропарь святителя Герасима, святителя Великопермского, Устьвымского
глас 3

Божественныя веры проповеданием землю Зырянскую озарил еси и ко Христу люди многия привел еси. Возопиет еже с тобою и Авель ко Господу и Захариина кровь праведная, отче Герасиме, моли Христа Бога пастве твоей и всем, любовию память твою совершающим, даровати велию милость.

Кондак святителя Герасима, святителя Великопермского, Устьвымского
глас 8

Яко священника превелика и апостолов и мучеников совесельника, Церковь Русская почитает тя, святителю Герасиме. Сию твоими мо­литвами соблюдай, блаженне, непобедиму, и необуреваему, и несквер­ну, и всем нам испроси у Бога мир и велию милость.

Тропарь мученика Иоанна Казанского
глас 2

Страстотерпче святый Иоанне, блаженна земля, напившаяся крове твоея, Христа бо со дерзновением проповедав, многия муки от неверных агарян приял еси, страданьми своими противных дерзости низложив, Троицы поборник явился еси, Юже и моли даровати нам велию милость.
Кондак мученика Иоанна Казанского
глас 2

Звезда светла среди неверных явился еси, многострадальне Иоанне, зарями твоими Солнце Христа возвещающи, прелесть агарянскую посрамил еси и нам подаеши свет, моля непрестанно Христа Бога о всех нас.

Тропарь преподобной Ксении
глас 8
В тебе, мати, известно спасеся, еже по образу:/ приимши бо крест, последовала еси Христу/ и, деющи, учила еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобная Ксение, дух твой.

Кондак преподобной Ксении
глас 2
Твою страннонравную, Ксение, память совершающе,/ любовию почитающии тя, поем Христа,/ во всех тебе подающаго крепость исцелений,// Емуже всегда молися о всех нас.
Ин кондак преподобной Ксении Миласской
глас 4

Иже во святых святая/ Христа Преблагаго всем сердцем возлюбила еси, Богомудрая Ксение славная,/ того ради омерзила еси мирскую сладость./ Крест же Его вземши честный,/ возлюби пети присно: аллилуйя.

Тропарь блаженной Ксении Петербургской
глас 7
Нищету Христову возлюбивши,/ безсмертныя трапезы ныне наслаждаешися,/ безумием мнимым безумие мира обличивши,/ смирением крестным силу Божию восприяла еси,/ сего ради дар чудодейственныя помощи стяжавшая,/ Ксение блаженная, моли Христа Бога// избавитися нам от всякаго зла покаянием.

Кондак блаженной Ксении Петербургской
глас 3
Днесь светло ликует град святаго Петра,/ яко множество скорбящих обретают утешение,/ на твоя молитвы надеющеся,/ Ксение всеблаженная,// ты бо еси граду сему похвала и утвержде

Каноны

Канон святой блаженной Ксении Петербургской http://azbyka.ru/days/caa/395
Акафисты

Акафист святой блаженной Ксении Петербургской (иной) http://azbyka.ru/days/caa/753

Акафист святой блаженной Ксении Петербургской http://azbyka.ru/days/caa/396

Акафист святителям Герасиму, Питириму и Ионе, епископам Великопермским
http://azbyka.ru/days/caa/644
http://azbyka.ru/days/