Молитвы дня 4-02-2016, канон и акафист прп. Макарию Жабынскому, Белевскому чудотворца (1623).

Седмица 36-я по Пятидесятнице. Глас 2.
Поста нет.
Ап. Тимофея (ок. 97). Прмч. Анастасия Персянина (628). Прп. Макария Жабынского, Белевского чудотворца (1623).

Мчч. Мануила, Георгия, Петра, Леонтия епископов, Сиония, Гавриила, Иоанна, Леонта, Парода пресвитера и прочих 377-ми (ок. 817). Прмч. Анастасия, диакона Печерского (XII).

Сщмчч. Иоанна и Евфимия пресвитеров (1938).

Молитвы
Тропарь мученика Анастасия
глас 4

Мученик Твой, Господи, Анастасий/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощньш дерзости./ Того молитвами/ спаси души наша.

Кондак апостола Тимофея и преподобномученика Анастасия Персянина
глас 1

Божественнаго ученика и спутешественника Павлова Тимофея,/ вернии, воспоим вси,/ с сим почитающе мудраго Анастасия,/ возсиявшаго от Персиды, яко звезду,/ и отгонящаго душевныя наша страсти/ и недуги телесныя.

Тропарь преподобномученика Анастасия, диакона Печерского, в Ближних пещерах
глас 4

Плотское, яко безплотный Ангел, возненавидевши препитание,/ духовную во иноческом чину возлюбил еси пищу,/и в нем Боговидцу на Синаи Моисею/ добрым жития твоего подвигом уподобляяйся,/ многими на горе Божией Печерской возвысился еси добродетельми,/ идеже в молении к Вышннему непрестанно пребывал еси,/ ныне же со отцы преподобными Печерскими,/ аки бисер многоценен, мощми нетленными/ в пещере твоими пресветло сияеши,/ а душею со Ангелы пред Престолом Божиим,/ святый преподобномучениче Анастасие, предстоиши,/ о нас всегда моляся ко Господу/ спастися душам нашим.

Кондак преподобномученика Анастасия, диакона Печерского, в Ближних пещерах
глас 8

Постническим плоти твоей умерщвлением/ душу оживил еси,/ ибо твоего ради презельнаго воздержания/ и привременнаго терпения,/ жизнь непреемная и диадима неувядаемая/ от пострадавшаго за ны плотию/ и из мертвых воскресшаго Христа Бога нашего,/ тебе, святе, преподобномучениче Анастасие,/ яко злочестивых победителю/ несумненно и воистинну уготовася,/ занеже Божие тридневное Воскресение/ всем, живущим на земли,/ тобою, якоже иногда от отроков Ефесских православно воспроповедася,/ и сего ради, отче, днесь к тебе вси вопием немолчно:/ святый преподобномучениче Анастасие Печерский,/ моли прилежно воставшаго Христа тридневно из мертвых,/ да избавит от смерти вечныя души наша.

Тропарь преподобного Макария Жабынского, Белевского чудотворца
глас 4

От мирскаго жития изшед / в тихое пристанище жизни иноческия, преподобне Макарие, вшел еси, / в нейже добре подвизався, душу твою добродетельми превысокими обогатил еси, / и явился еси добр пастырь и учитель иноческому собору, / емуже и обитель возградил еси, / таже в безмолвие вшед и Боговидения сподобився, ко Господу преставился еси, / Иже даром чудес тя обогати. / Егоже ныне моли, / да спасет верою и любовию почитающих святую память твою.

Кондак преподобного Макария Жабынского, Белевского чудотворца
глас 8

Житие чистое, терпение, кротость и любовь нелицемерну,/ воздержание совершенное,/ умиление Божественное,/ веру же и надежду истинну и милосердие стяжав,/ равноангельно, Макарие, на земли пожил еси/ и на Небеси Богови с лики Безплотных предстоиши./ С ними же, святе, молися/ мир Российстей Церкви даровати/ и душам нашим велию милость.

Тропарь апостола Тимофея
глас 4

Благости научився и трезвяся во всех, / благою совестию священнолепно оболкся, / почерпл еси от сосуда избранного неизреченная / и, веру соблюд, равное течение совершил еси, / апостоле Тимофее, / моли Христа Бога / спастися душа

Канон преподобному Макарию Жабынскому, Белевскому Чудотворцу
http://azbyka.ru/days/caa/104

Акафист преподобному Макарию Жабынскому, Белевскому Чудотворцу
http://azbyka.ru/days/caa/105