Икона Пресвятой Богородицы "Взыскание погибших"(18февраля/5 февраля ст.с)

К иконе Божией Матери "Взыскание погибших" испокон века приходили невесты просить, чтобы брак их был счастливым. К ней обращаются и люди страдающие различными тяжёлыми пороками - пьянством, наркоманией, одержимые. Ей молятся также при головной и зубной боли, лихорадке, болезни глаз, о вразумлении отпавших от веры православной. Именно к этому образу прибегают всегда матери с ходатайством о погибающих детях. Обращаться к этой иконе надо всегда, когда находишься в экстремальных условиях во время путешествия.
Тропарь, глас 4
Взыщи нас,погибающих, Пресвятая Дево, не по грехом бо нашим наказуеши нас, но по человеколюбию милуеши: избави нас от ада, болезни и нужды и спаси нас.
Молитва
О, Пресвятая и Преблагословенная Дево, Владычице Богородице, Споручнице грешных и Взыскание погибших! Призри милостивым Твоим оком на нас, предстоящих пред святою иконою Твоею и со умилением молящихся Тебе: воздвигни нас из глубины греховныя, просвети ум наш омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице: Ты веси вся немощи и согрешения наша, к Тебе прибегаем и вопием: не остави нас Твоею небесною помощию, но предстани нам присно, и Твоим неизреченным милосердием и щедротами спаси и помилуй нас погибающих. Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая помошница и заступница всем притекающим к Тебе, и крепкое прибежище грешников кающихся. Подаждь убо нам, преблагая и всенепорочная Дево, христианский конец живота нашего мирен и непостыден и сподоби нас Твоим ходатайством вселитися в обителех Небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков. Аминь.