Молитва о младенце неспящем

Семи отрокам, иже во Ефесе: Максимилиану, Иамвлиху, Мартиниану, Иоанну, Дионисию, Ексакустодиану(Константину), Антонину.


О пречуднии святии седмочисленнии отроцы Ефеса града похвало и всея вселенныя упование! ВОззрите с высоты небесныя славы на нас, любовию память вашу чтущих, наипаче же младенцы христианския, вашему заступлению от родителей своих препорученныя.

Низведите на ня благословение Христа Бога, рекшаго: оставите детей приходите ко мне. Болящыя убо в них исцелите, скорбящыя утешите; сердца их в чистоте соблюдите, кротостию исполнится, и в земли сердец их зерно исповедания Божия насадите и укрепите, во еже от силы в силу им возрастати.

И всех нас, святей иконе вашей предстоящих, мощи же ваша с верою лобзающих и тепле вам молящихся, сподобите Царствие Небесное улучити и немолчным гласы радования тамо прославляти великолепное имя пресвятыя Троицы, Отца и Сына и Святого Духа во веки веков. Аминь.

Тропарь и кондак святым семи отрокам
Тропарь, глас 4

Велия веры чудесе, в пещере яко в чертозе царском святии седьм отроцы пребыша, и умроша без тли, и по мнозех временных восташа яко от сна, во уверение воскресения всх человеков: тех молитвами, Христе Боже, помилуй нас.

Кондак, глас 4
Мира сущая тленная презревая и нетленныя дары приемше, умреше кроме тления пребыша: темже востают по многих летех, все погребше лютех неверие: яже во хвалении днесь вернии восхваляюще, Христа воспоим.